Skjørestad er advokat. Han har vore partnar i Haver Advokatfirma AS, og har også tidlegare vore statssekretær i Finansdepartementet. Han har fleire verv og sit i fleire styre i ulike bransjar. Skjørestad har tidlegare mellom anna vore styremedlem i Statens Bankinvesteringsfond, styreleiar i Statens finansfond, og dessutan vore styreleiar i Finanstilsynet frå 2010 - 2018.

Skjørestad er cand.jur. frå Universitetet i Bergen.

Hægeland har sidan 2016 vore direktør for avdelinga Finansiell stabilitet og er medlem av leiargruppa i Noregs Bank. Han har tidlegare erfaring som forskingsdirektør i Statistisk sentralbyrå.

Hægeland har doktorgrad i samfunnsøkonomi frå Universitetet i Oslo.

Iversen er førsteamanuensis ved Institutt for Sjørett, Universitetet i Oslo. Ho har tidlegare arbeid som førsteamanuensis ved Høgskolen i Innlandet (2020-2024). Ho har også vore gjesteforskar ved Lauterpacht Centre for International Law, Cambridge University (2017), Sciences Po Law School (2023) og European University Institute (2023). Ho publiserar særleg forsking om regulering av statsgjeld og sentralbankrett.

Iversen har Phd (2020) og mastergrad i rettsvitskap (2015) frå det Juridiske fakultetet ved Universitetet i Oslo.

Myklebust er postdoc ved Juridisk fakultet, Institutt for privatrett (UiO). Ho har erfaring frå arbeid i Finansmarkedsavdelingen og Avdeling for Formuesforvaltning i Finansdepartementet, Høgsterett og som dommarfullmektig. Ho hor vore medlem av Etikkrådet for Statens pensjonsfond utland og Klimarisikoutvalget (NOU 2018: 17). Myklebust har fleire publikasjonar innanfor finansmarknadsrett.

Myklebust er cand.jur. frå UiO, har ei mastergrad (MSc) frå University of Oxford og ein doktorgrad i rettsvitskap frå UiO.

Mæland er førsteamanuensis ved Institutt for finans ved Norges Handelshøyskole. Instituttleiar i perioden 2013 til 2021. Medlem av Børsklagenemnden og Verdipapirlovutvalget.

Mæland har ein doktorgrad i finans frå Norges Handelshøyskole.

Løining var tidlegare avdelingsdirektør i Finansmarkedsavdelingen i Finansdepartementet.

Ulriksen har vore konsernsjef i SpareBank 1 Nord-Norge og har hatt fleire leiarstillingar innanfor same konsern, i tillegg til andre finanskonsern. Ho har hatt ulike styreverv innan SpareBank1 Gruppen, og har også hatt leiarstilling i Fiskeriforskning/Nofima. Ulriksen har fleire verv frå ulike bransjar.

Ulriksen er fiskerikandidat med master i økonomi frå UiT Norges arktiske universitet (1985).